*namma metro*
BANGALORE METRO RAILWAY
VIEW FROM PUBLIC UTILITY BUILDING: M.G.ROAD.
PHOTO BY
S.SALIMKUMAR
KURUMPAKARA
Saturday, May 28, 2011
Wednesday, May 25, 2011
Monday, May 23, 2011
KRISHNA PADMAKUMAR : BEST CHILD ARTIST 2010: FILM 'JANAKI'
മികച്ച ബാലതാരം : കൃഷ്ണ പദ്മകുമാര്
എസ്.സലിം കുമാര്
കുട്ടികളുടെ കാഴ്ചപ്പാടിലൂടെ സമകാലിക ജീവിതത്തെ അവതരിപ്പിക്കുന്ന ജനകീയ സിനിമയാണ് ജാനകി. അത് തന്നെയാണ് 'ജാനകി' എന്ന സിനിമയുടെ പ്രത്യേകതയും. നിത്യജീവിതത്തിലെ സാധാരണ സംഭവങ്ങളിലൂടെയാണ് ജാനകിയുടെ കഥ ഇതള് വിരിയുന്നത്. ആദ്യാവസാനം റിയാലിറ്റിയും ഫാന്റസിയും ഇഴ ചേരുന്ന കഥാഘടന ആണ് ഈ സിനിമയുടേതു .ജാനകിയില് പ്രധാന വേഷങ്ങളില് അഭിനയിക്കുന്നത് കുട്ടികളാണ്. സംവിധാകനായ എം.ജി.ശശി തന്നെ കഥയും തിരക്കഥയും ഗാനങ്ങളും എഴുതിയ 'ജാനകി' യില് മുഖ്യ കഥാപാത്രത്തെ അവതരിപ്പിക്കുന്നത് കൃഷ്ണ പദ്മകുമാര് എന്ന പതിനൊന്നു കാരിയാണ് .
'ജാനകി'ലൂടെ മലയാള സിനിമക്കു മിടുക്കിയായ ഒരു ബാലനടിയെ ലഭിച്ചിരിക്കുകയാണ്. പത്രത്തിലും ടിവിയിലും പരസ്യം കണ്ടു അപേക്ഷിച്ചവരില് നിന്ന് നൂരില്പരം കുട്ടികളെ ഇന്റര്വ്യൂ ചെയ്തതിനു ശേഷം ആണ് കൃഷ്ണയെ ജാനകി ആവാന് തിരഞ്ഞെടുത്തത്. ആദ്യത്തെ റൌണ്ടില് ഒരുപാട് പിന്നില് ആയിരുന്ന കൃഷ്ണ അഭിനയത്തിന്റെയും, നൃത്തത്തിന്റെയും ടെസ്റ്റുകളില് മുന്നേറി. കൃഷ്ണയുടെ മുഖത്ത് വിടരുന്ന ഭാവങ്ങള് കണ്ട സംവിധായകനും നിര്മാതാവും മറ്റു പരീക്ഷകരും ജാനകി ആയി അഭിനയിക്കാന് കൃഷ്ണയെ തന്നെ സെലക്ട് ചെയ്തു.
കൃഷ്ണക്ക് കരയാന് ഗ്ലിസറിന് വേണ്ട. സ്ക്രിപ്റ്റ് വായിക്കുവാന് കൊടുത്തിരുന്നതിനാല് ഡയലോഗുകള് നന്നായി പഠിക്കുവാനും കഥാപാത്രത്തെ നന്നായി ഉള്ക്കൊള്ളുവാനും ഉള്ള ഹോം വര്ക്കുകള് നന്നായി ചെയ്യാന് കൃഷ്ണക്ക് കഴിഞ്ഞു. 'ആ സീക്വന്സ് ഓര്ക്കു, മനസ്സിലേക്ക് കൊണ്ടു വരൂ ' എന്ന് സംവിധായകന് പറയുകയേ വേണ്ടു , സംവിധായകന് ഉദ്ദേശിച്ച ഭാവങ്ങള് കൃഷ്ണയുടെ മുഖത്ത് എത്തുകയായി. കരയുന്ന ഷോട്ടില് ചിലപ്പോള് സംവിധായകന് കട്ട് പറഞ്ഞാലും കരച്ചില് നില്ക്കില്ല. അപ്പോള് മുഖം പൊത്തി ഇരിക്കും.
കൃഷ്ണ തനിച്ചുള്ള ഷോട്ടുകളില് ഒന്നും തന്നെ അവളുടെ കുഴപ്പം കൊണ്ട് വീണ്ടും ടേക്ക് എടുക്കേണ്ടി വന്നിട്ടില്ല. അതെ സമയം കോമ്പിനേഷന് ഷോട്ടുകളില് മറ്റുള്ളവര് കൃഷ്ണയുടെ ഒപ്പം എത്താതെ വിഷമിക്കുന്നുണ്ടായിരുന്നു. മറ്റുള്ളവരുടെ കുഴപ്പം കൊണ്ടു പലപ്പോഴും റീ ടേക്ക് വേണ്ടി വന്നു. ഇത്ര തന്മയത്വത്തോടെ സീരിയസ് വേഷങ്ങളില് അഭിനയിക്കാന് കഴിയുന്ന കുട്ടികള് വിരളം ആണെന്ന് ജാനകിയുടെ ഷൂട്ടിംഗ് കണ്ടവര് ഒക്കെ അഭിപ്രായപ്പെടുന്നു.
മലയാള സിനിമയില് ഇത് പോലൊരു കഥാപാത്രം ആദ്യമാണ്. പുതിയ പ്രതിഭകളെ കണ്ടെത്തി പ്രോത്സാഹിപ്പിക്കാന് ഉള്ള സിലിക്കണ് മീഡിയയുടെ ശ്രമം അര്ത്ഥവത്താണെന്ന് തെളിയിക്കുന്നതാണ് 'ജാനകി'യായി കൃഷ്ണയുടെ സെലക്ഷന്. മൂവാറ്റുപുഴ മാറാടിയിലാണ് കൃഷ്ണയുടെ വീട്. മൂവാറ്റുപുഴ സെന്റ് അഗസ്റിന് ഹയര് സെക്കണ്ടറി സ്കൂളില് എട്ടാംക്ലാസ്സിലാണ് കൃഷ്ണ ഇക്കൊല്ലം. മകളുടെ കലാവാസനയെ ആത്മാര്ഥമായി പ്രോത്സതിപ്പിക്കുന്ന അച്ഛനമ്മമാര്, കലപ്രവര്തനങ്ങള്ക്ക് എല്ലാ പ്രോത്സചനവും നല്കുന്ന അധ്യാപകര്. പഠിത്തത്തിലും മിടുക്കിയായതിനാല് എല്ലാവരുടെയും കണ്ണിലുണ്ണിയാണ് കൃഷ്ണ. കൃഷ്ണയുടെ അനുജത്തി കാവേരി.
ജാനകി എന്ന കഥാപാത്രത്തെ നന്നായി ഉള്ക്കൊള്ളുവാനും തന്റെ അഭിനയ മികവു നന്നായി പ്രകടിപ്പിക്കുവാനും കൃഷ്ണക്ക് കഴിഞ്ഞു എന്ന് സംവിധായകന് എം.ജി.ശശിയും കൃഷ്ണക്കൊപ്പം അഭിനയിച്ച തമ്പി ആന്റണി , ടി.ജി.രവി, പ്രകാശ് ബാരെ , ലീല , ജയചന്ദ്രന് മുതലായവരൊക്കെയും അഭിപ്രായപ്പെടുന്നു . അപാരമായ അഭിനയശേഷി ഉള്ള കൃഷ്ണ യെ കണ്ടെത്തിയതില് സിലിക്കണ് മീഡിയക്ക് അഭിമാനിക്കാം.
എല് കെ ജി മുതല് ന്രിത്തം പഠിച്ചു തുടങ്ങിയ കൃഷ്ണ നാലാം ക്ലാസ്സ് വരെ കിഡ്സ് ഫെസ്ടിവലില് എ ഗ്രേഡ് നേടിയിരുന്നു. ഊന്നു വയസ്സ് മുതല് ആണ് ന്രിത്തം പഠിച്ചു തുടങ്ങിയത്. അമ്മാവന് പി കെ സുരേഷ് ആണ് ഗുരു. 2009 മെയ് 2 നു ആണ് കൃഷ്ണ അരങ്ങേറ്റം നടത്തിയത്. ആഴ്ച തോറും തൊടുപുഴയില് അമ്മാവന്റെ വീട്ടില് പോയി ആണ് ന്രിത്തം അഭ്യസിച്ചത്. ജോക്കര് ആണ് ജാനകി ആദ്യം കണ്ട സിനിമ. മോഹന്ലാല് ആണ് ഇഷ്ടനടന്.
ഷൂട്ടിങ്ങിന് മഞ്ചേരിയില് എത്താന് അറിയിപ്പ് കിട്ടിയതിന് പ്രകാരം സംവിധായകനും നിര്മാതാവുമായി കണ്ടു. സ്ക്രിപ്റ്റ് വായിക്കാന് കിട്ടി. ജാനകിയുടെ റോള് മനസ്സിലാക്കി . സംവിധായകന്റെ നിര്ദ്ദേശം അനുസരിച്ച് ചെരിപ്പും ആഭരണങ്ങളും ഉപയോഗിക്കാതെ ശീലിച്ചു. മഞ്ചേരിയിലും തൃശ്ശൂരിലും ആയിട്ടാണ് ഷൂട്ടിംഗ് നടന്നത്. സ്കൂളില് നിന്ന് 15 ദിവസത്തെ അവധി എടുത്തിട്ടാണ് സിനിമയില് അഭിനയിച്ചത്. സിനിമയില് അഭിനയിക്കുന്നതില് സ്കൂള് അധികൃതരുടെ പ്രോത്സാഹനം കൃഷ്ണക്ക് ഏറെ ആത്മവിശ്വാസം നല്കി. പഠനത്തിലും മിടുക്കിയാണ് കൃഷ്ണ. ഷൂട്ടിംഗ് സമയത്ത് പഠനത്തിന്റെ ഭാഗം ആയുള്ള ഗ്രൂപ് പ്രവര്ത്തനങ്ങളില് പങ്കെടുക്കാന് കഴിഞ്ഞില്ല . സബ് ജില്ലാ കലോല്സവത്തിനു പങ്കെടുക്കാന് സെലക്ട് ആയെങ്കിലും പ്രാക്ടീസ് ചെയ്യാന് കഴിഞ്ഞില്ല.
ക്യാമറയുടെ മുന്നില് നില്ക്കുമ്പോള് പേടി ഉണ്ടായിരുന്നു. ഇപ്പോള് അത് മാറി.
ജാനകിയുടെ സെറ്റില് എത്തിയപ്പോള് സമപ്രായക്കാരായ വേറെയും ഒരുപാട് സുഹൃത്തുക്കളെ കിട്ടി. ആകെ നൂറോളം കുട്ടികള് അഭിനയിച്ചതില് പതിനഞ്ചോളം കുട്ടികള് എല്ലായ്പ്പോഴും സെറ്റില് ഉത്സവത്തിന്റെ അന്തരീക്ഷം സൃഷ്ടിച്ചു.
Monday, April 25, 2011
KURUMPAKARA UDAYONMUTTAM
കുറുമ്പകര ഉടയോന്മുറ്റം
ഉടയോന് മുറ്റത്തു മലനടയിലെ ഉത്സവത്തിനു കെട്ടുകാഴ്ച കണ്ടതാണ് ഉടയോന് മുറ്റത്തെ പറ്റിയുള്ള ആദ്യത്തെ ഓര്മ. തിരുവങ്ങാട്ട് ആല് നില്ക്കുന്നിടത്ത് ( ആ ആല് എന്നേ വെട്ടി മാറ്റി) വരെ വന്നിട്ട് കെട്ടു കാഴ്ച ഉടയോന് മുറ്റത്തേക്ക് തിരികെ പോവുകയായിരുന്നു പതിവ്.
അഞ്ചാം ക്ലാസ്സില് കുറുമ്പകര യു പി എസ്സില് ചേര്ന്നതില് പിന്നെയാണ് ഉടയോന്മുറ്റം കൂടുതല് പരിചയം ആവുന്നത്. ലൈബ്രറി ആയിരുന്നു പ്രധാന ആകര്ഷണം. തിരുമാന്ഗഡ് വഴി നടന്നു ഉടയോന് മുറ്റം വഴി പച്ചയും കടന്നു സ്കൂള് വരെ എത്തുന്നത് വരെയുള്ള നടത്ത സംഭവ ബഹുലമായിരുന്നു. ആറാം ക്ലാസ്സില് പഠിക്കുമ്പോള് ലൈബ്രറിയില് അംഗമായി. പള്ളിക്കൂടം വിട്ടു വരുമ്പോള് ലൈബ്രറി തുറന്നിട്ടുണ്ടാവില്ല. അത് കൊണ്ട് വീട്ടില് പോയിട്ട് തിരികെ വരും പുസ്തകം എടുക്കുവാന്. അന്ന് ഡിറ്റക്ടിവ് നോവലുകള് ആയിരുന്നു ഹരം. ആദ്യം ലൈബ്രറിയില് നിന്നും എടുത്ത പുസ്തകങ്ങള് വീരകേസരി, വീരഭദ്രന് എന്നീ അക്കാലത്തെ പ്രശസ്തമായ ഡിറ്റക്ടിവ് നോവലുകള് അയിരുന്നു.
പിന്നെ പ്പിന്നെ വര്ഷങ്ങളോളം, എന്നും വൈകുന്നേരം ഉടയോന് മുറ്റത്തു കൂടുന്ന ഒരുപാടുപേരുടെ കൂട്ടത്തില് ഞാനും ഉണ്ടായിരുന്നു. കുന്നിട ഗോപിനാഥനും കോ യിപ്രത്തെ വിശ്വ നാഥനും , മണേലിക്കീഴില് രാജനും വിജയനും, ബാലചന്ദ്രന് ഉണ്ണിത്താന് , കൊച്ചുതുണ്ടില് സത്യന്, അയ്യപ്പന്സാരിന്റെ മക്കള് സുഗതനും ശശിയും, ചിത്രകാരനും ആരോടും അധികം ഒന്നും സംസാരിക്കാത്ത ആളുമായ രാജന്, പുത്തൂര്ക്കാരന് സാറിന്റെ മകന് രാധാകൃഷ്ണന്, കുറുപ്പുസാര്, ജി.കെ.പിള്ള സാര് തുടങ്ങിയ മുതിര്ന്നവര്, ....ഞങ്ങള് വൈകിട്ട് വായനശാലയില് ചീട്ടുകളി, മലനട മുറ്റത്തു ഷട്ടില് കോക്ക് കളി, ഇടയ്ക്ക് പനാമ സിഗരറ്റ് അല്ലെങ്കില് തെറുപ്പു ബീഡി. നൂറായിരം ചര്ച്ചാ വിഷയങ്ങള്, വായനശാലാ വാര്ഷികത്തിന് നാടകം..ഒന്നുകില് സി.എല് ജോസിന്റെ നാടകം, അല്ലെങ്കില് പി ആര് ചന്ദ്രന്റെ നാടകം. പിന്നൊരിക്കല് അയ്യനേത്തി ന്റെ 'ഗാന്ധീവം' നാടകം.
ഞങ്ങള് രാത്രി ഒരുമണിക്കും രണ്ടുമണിക്കും ഒക്കെ റിഹേര്സലും കഴിഞ്ഞു വീടുകളിലേക്ക് നടക്കും. നിലാവുല്ലപ്പോഴും, കുട്ടാക്കുട്ടിരുട്ടത്തും, നാട്ടുവേളിച്ചത്ത്തിലും ഒക്കെ എത്ര എത്ര നടത്തങ്ങള്. വിസ്വനതന്റെ അനുജന് വിജയനും ഞാനും ആയിരുന്നു ഉടയോന് മുറ്റവും കഴിഞ്ഞു നടക്കേണ്ടവര് . ഡാനിഎല് സാറിന്റെ വാതുക്കല് മാലൂര് കോളെജിലേക്ക് വഴിതിരുന്നിതിലെ വിജയന് നടക്കും. എനിക്ക് പുതുവല് ഭാഗത്തേക്ക് നടന്നു പെന്തകൊസ്തു പള്ളിയുടെ അടുത്ത് കൂടി കിഴക്കോട്ടു വേണം പോകാന്.
കയ്യെഴുത്തുമാസിക അതില് അദ്ഭുതകരമായ ചിത്രങ്ങള് വരയ്ക്കുന്ന സുകുമാരന് വൈദ്യരും രാജനും. മണ്ഡല ക്കാലത്ത് പാട്ട് പുരയില് ഭജന. വിശ്വനതനും വിജയനും ഒക്കെ ഗഞ്ചിറ അടിച്ചു ഭജന പ്പാട്ട് പാടും. ഒരിക്കല് ഒരു മണ്ഡല ക്കാലത്ത് കുന്നിടക്കാരന് മാങ്ങാക്കച്ചവടക്കാരന് കൃഷ്ണന്റെ കഥാപ്രസംഗം ഉണ്ടായിരുന്നു. കഥയെക്കാള് മെച്ചം കൃഷ്ണനെ പറച്ചിലും ഭാവ ഹാവാദികളും അയിരുന്നു. ആള്ക്കാര്ക്ക് കുറെ നാളത്തേക്ക് പറഞ്ഞു ചിരിക്കാന് ഒരു വിഷയം അയിരുന്നു കൃഷ്ണന്റെ കഥാപ്രസംഗം. പിന്നൊരിക്കല് കുന്നിട രാമചന്ദ്രന് ഉടയോന് മുറ്റത്തു കഥാപ്രസംഗം നടത്തി. ഒരിക്കല് വിശ്വനാഥനും കഥാപ്രസംഗം നടത്തി. അതാണ് ഞാന് ഉടയോന്മുട്ടത്ത് പങ്കെടുത്ത ഒടുവിലത്തെ പരിപാടി. ഉമ്മനച്ചനും, കെ.പി.ഉടയഭാനുവും മറ്റും അയിരുന്നു അന്നത്തെ മീറ്റിങ്ങില് പ്രമുഖര്. പിന്നെന്നോ ഒരിക്കല് വിശ്വനതനെ ഞാന് കണ്ടു. വിശ്വനാഥന് അന്ന് പാരലല് കോളേജില് പഠിപ്പിക്കുകയായിരുന്നു. പിന്നെ ഞാന് വിശ്വനാഥനെ കണ്ടിട്ടില്ല. രാജസ്ഥാനില് നിന്നും ഒരിക്കല് നാട്ടില് വന്നപ്പോള് അറിഞ്ഞു, വിശ്വനാഥന് മരിച്ചു പോയി എന്ന്. ഗോപിനാഥന് ആണ് കഥകള് എല്ലാം പറഞ്ഞത്. ഗോപിയും വിശ്വനാഥനും ഉറ്റ സുഹൃത്തുകള് അയിരുന്നു. ഇപ്പോഴും ഗോപിയെക്കൂടാതെ വിശ്വ നാഥനെയോ വിശ്വ നാഥനെക്കൂടാതെ ഗോപിയെയോ എനിക്ക് സങ്കല്പ്പിക്കുവാന് ആവില്ല.
ഉടയോന് മുറ്റത്തെപ്പറ്റി പറയാന് എനിക്ക് ഒരു പാടുണ്ട്. ഈയിടെ നാട്ടില് വന്നപ്പോള് കുടുംബസമേതം ഞാന് ഉടയോന് മുറ്റത്തു മലന്മാടയില് വന്നിരുന്നു. മലനടയും അമ്മൂമ്മയുടെ ഇടവും അതുപോലെ നിലനിര്ത്തിയിരിക്കുന്നത് നല്ലതാണ്. ഞാന് വന്ന ദിവസം അവിടെ മുറുക്കാന് വച്ചിരുന്നു. ആരുടെയോ നേര്ച്ചയാണ്. ഞങ്ങള് വേഷായി മുറുക്കി. താഴെ കാവിലും പോയി. ലൈബ്രറിയുടെ തിണ്ണയില് കുറച്ചു നേരം ഇരുന്നു.
POSTED BY
s.salimkumar
kurumpakara
Friday, April 15, 2011
Tuesday, March 29, 2011
S.SALIMKUMAR
Winter Notebook Cold waves and silence swallow the street. Travellers covering the dark ways. Night is lusty Last of its kind. I don’t know why it is raining In the pity sky clouds are always seen. Who is coming stepby step You are moving for a distant pole Where I cant exist and you are free From the wild attack Days of shadows. You were everywhere At the dark you came and started a new era. Close the doors to prevent me Waves are roaring to take the shore Where it begins the storm? Drive me away from my land. Invasion of a forest evergreen. Tears and words, streams of pain Quake to whom all the castles fell. Sea is crying like a girl. Having paining shores. Depth of the sea and a colourless world. Timeless times. All the contrasts want to be each other. Entered without knocking door. And I painted black your land and sky. After silent, silent seasons you before me And I hered your words Behind you was the full moon fading And I know your silence. No power can force you to be lusty If you want a distance Make it for me. I am making black a fairy forest To a mine of coal to have some fire. Mad and selfish I cant let you go. North and south never be one If they attract each other again there come The poles, north and south. Drive me out from your land I am an evil force. Escape from me or do what you want to Like a shadow In my window Just I saw you Misty morning waiting for the Lusty seal of silence.I want to be your silence. I cant sleep in winter nights. I am wandering in a lightless town Rain from your sky of mind made the town wet How can I find my way? I don’t know why you are raining? You told: I cant bear your rays Always they touch my sense and soul. I covered me with clouds But you wiped it and said You are touching me without the rays Than you touch me with the rays. Knowing the sea of your eyes I cant exist where you are. Silent sky and milky way And the source of light. Everything goes in and nothing out. The black hole never let out the treasure From your mind.
Subscribe to:
Posts (Atom)